इजरायली सरकार सुरक्षा मामिलासम्बन्धी क्याबिनेटको बैठक पछि युद्धविरामको लागि तयार

इजरायलको सुरक्षा क्याबिनेटले गाजा क्षेत्रमा युद्धविरामको लागि मञ्जुरी दिएको छ । इजरायलले आधिकारिक बयान जारी गर्दै भनेको छ ‘इजिप्टले युद्धबिरामको प्रस्ताव राखेको थियो, यो आपसी सहमति र ‘विना शर्त’ लागू हुने छ ।’

समाचार एजेन्सी रोयटर्सका अनुसार हमासको तर्फबाट पनि जारी गरिएको आधिकारिक बयानमा युद्ध बिरामको जानकारी दिइएको छ । उक्त वयानमा भनिएको छ कि स्थानीय समाचार अनुसार बिहान २ बजे नेपाली समय अनुसार पौने ५ बजेदेखि इजरायलको साथा आपसी सहमतिबाट युद्धबिराम गर्न लागिएको हो ।

गाजामा बीबीसीका संवाददाता रुश्दी अबुलफका अनुसार इजरायली सरकार सुरक्षा मामिलासम्बन्धी क्याबिनेटको बैठक पछि युद्धविरामको लागि तयार भएको हो ।

रुश्दीले युद्धविराम सम्बन्धी वार्ता सम्बन्धी स्रोतलाई उद्धृत गर्दै भनेका छन् ‘इजरायली पक्षले यस सम्बन्धमा इजिप्टलाई समेत जानकारी दिइसकेको छ ।’ यस विषयमा इजिप्टले पनि सक्रिय भूमिका खेल्दै आएको छ ।

बीबीसी

प्रतिक्रिया दिनुहोस