मजदुर तथा गरिबहरुको साहारा बन्दै ईस्लामिक समाज पाल्पा:

फोटो फिचरका साथ

श्व भरी महामारी को रुपमा फैलिएको कोरोना भाईरस (कोभिड 19)को संक्रमणबाट बचाउन नेपाल सरकारले २०७६ चैत्र ११ देखि २०७६ चैत्र २५ सम्म मुलुक भरी लकडाउन गरेको हुदा दैनिक मजदुरी गरि जिबिकोपार्जन गर्ने मजदुर, गरीब तथा असायहरुको दैनिक जिविकोपार्जनमा समस्या नपरोस भन्ने उद्देश्यले इस्लामिक सक्रिय युवा समाजले रामपुर नगरपालिका पाल्पामा १०० घरपरिवारलाई खाद्यान्न राहात बितरण गरेको छ ।

यस संस्थाका सक्रिय सदस्यहरुद्वारा बैदेसिक रोजगारीमा रहेर पनि आफ्नो गाउँ समाजका लागि केही गर्ने अभिप्रायले स्थापना गरिएको इस्लामिक सक्रिय युवा समाज कतार र स्थानीय समाजसेवीहरुको बिशेष सहयोगमा रामपुर नगरपालिका भित्र कम्तिमा ५० ज्यालादारी मजदुर, बिपन्न बर्ग तथा असहाय परिवारलाई खाद्य सामग्री सहयोग गर्ने अभियान अन्तर्गत समय र परिस्थितिलाई लम्बिएको लकडाउनलाई मध्यनजर गर्दै विभिन्न चरण गरि यस नगरपालिकाका १०० परिवारलाई खाद्य सामग्री बितरण गरेको छ । प्रति परिवार १० केजी चामल, २ केजी चिउरा, २ केजी दाल, २ लिटर खाने तेल, १ केजी चिनी र १ केजी नुनको एक प्याकेज बनाइ संकटमा परेका परिवारहरुको सहयोग गरेको हो ।

स्थापना काल देखि नै यस संस्थाले समुदायमा आफ्नो भुमिका निर्वाह गर्दै आएता पनि कोरोना भाइरसको संक्रमण न फैलियोस भन्ने उद्देश्य अनुरुप यस संस्थाले रामपुर नगरपालिका भित्र स्थानीय तहको सहकार्यमा हाल सम्म १९ ठाँउमा कोरोना भाइरसबाट बच्न जनचेतनामूलक ब्यानर टाँस्ने, १४ ठाँउमा हात धुने ठाँउ बनाउने, प्रार्थना गर्ने ठाँउहरु ( मस्जिद) मा साबुन सेनिटाइजर राख्ने , मस्जिदहरुमा जनचेतनामूलक पम्प्लेट हरु वितरण गर्ने र १०० परिवारलाई खाद्य सामाग्री वितरण गर्ने काम गरेको छ ।

पहिलो चरणको कार्यक्रम सफलता पुर्वक सम्पन्न भएसँगै मुलुकको परिस्थितिलाई मध्यनजर गरी थप राहतका कार्यक्रमहरू ल्याउने कुरा यस संस्थाका अध्यक्ष ल्याकत अलिले बताएका छन् । साथै आफ्ना सदस्य साथीहरुको सक्रियता र स्थानीय तहको सहयोगले यस क्षेत्रमा मजदुरहरुको पहिलो सारथी बन्न पाएकोमा खुशी ब्यक्त गर्दै सबैको कृतज्ञ भएको अलिले जनाएका छन्।

देश र समाजमा हाम्रो आबस्यकता परेको खण्डमा सधैं अग्र पंक्तिमा रहने कहिलै पछि नहट्ने कुरा यस संस्थाका संस्थापक सदस्य तथा संरक्षक इर्शाद अलि शेखले ले जनाएका छन भने कतार स्थित यसै संस्थाका अध्यक्ष शेख अब्दुल्लाहका अनुसार ” युवा भनेको समाजको मेरुदण्ड हो युवाले चाहे जस्तो सुकै परिस्थितिलाइ पनि सरलता का साथ जित्न सकिने र यो हाम्रो कर्तव्य पनि हो भनी युवा लाई जागरुक हुन अनुरोध गरेका छन् ।

प्रतिक्रिया दिनुहोस