मानव बेचबिखन तथा ओसारपसार बिरुद्धको १२ औं राष्ट्रिय दिवसको अवसरमा सडक नाटक प्रदर्शन र सम्मान कार्यक्रम सप्पन्न

२०७५ भाद्र १५, देवदह मानव बेचबिखन तथा ओसारपसार बिरुद्धको १२ औं राष्ट्रिय दिवसको अवसरमा श्री चेली कृषि सहकारीको आयोजना र के.आई. नेपाल, देवदह नगरपालिका र महिला तथा बालबालिका रक्षक समुहको सहकार्यमा रुपन्देहीको देवदह नगरपालिकास्थित खैरेनीमा बृहत् र्याली ,सडक नाटक प्रदर्शन र सम्मान कार्यक्रम सप्पन्न गरिएको छ ।

” संघीयताको सार, मानव बेचबिखन अन्त्यका लागि जिम्मेवारी र सहकार्यका साथ गरौँ खबरदार” भन्ने मूल नाराकासाथ अायोजना गरिएको उक्त कार्यक्रममा प्रदेश न.५ रुपन्देहीका सांसद डा.कृष्ण न्यौपाने प्रमुख अतिथि हुनुहुन्थ्यो । देवदह नगरपालिकाका उपमेयर श्री विद्यालक्ष्मी गुरुङ र के.आई.नेपालका कार्यक्रम निर्देशक श्री इन्द्रराज भट्टराई विशिस्ट अतिथि रहेको उक्त कार्यक्रममा विभिन्न सहकारी र आमा समुहहरुको उपस्थितिमा भव्यताका साथ उक्त कार्यक्रम सप्पन्न गरिएको थियो ।

कार्यक्रममा मानव बेचबिखन र लैंगिक हिंसा तथा सबैखाले सामाजिक विभेद अन्त्यका लागि सामुहिक प्रतिबद्धता व्यक्त गरिएको थियोे । यसै अवसरमा मानव बेचबिखन र लैंगिक हिंसा अन्त्यको अभियानमा महत्त्वपूर्ण भुमिका निर्वाह गर्दै अगाडि बढ्नुभएका देवदहका तीन महिलाहरू उपमेयर विद्यालक्ष्मी गुरुङ,चेली कृषि सहकारीका अध्यक्ष श्री साबित्रा बस्याल र किशोरी समूहको नेतृत्व गर्दै हाल के. अाई. नेपालमा परामर्शकर्ता रही कार्यरत श्री मनु रानालाई सम्मान गरिएको छ ।

विगत ४ बर्षदेखि के. अाई. नेपालले देवदह नगरपालिकामा महिला समूह गठन र परिचालनका माध्यमबाट सयौं महिला र किशोरीहरूलाई महिला सशक्तीकरण र अायअार्जनका तालिम दिई अात्मनिर्भर गराउँदै अाइरहेको छ। यसैगरी समुदायका किशोरकिशोरीले सडक नाटक प्रदर्शन गर्दै कार्यक्रममार्फत समुदायलाई सचेत गराएका थिए ।


प्रकाशित शनिबार १६ भाद्र, २०७५                                #मानव बेचबिखन तथा ओसारपसार बिरुद्ध#                                       ###